Our BookMarx 12/18/2009

• لا للممارسات البوليسية داخل الحرم الجامعي | مركز الدراسات الاشتراكية - مصر

  Tags: Mansoura, Students, University, Strikes, Nurses, Police

Posted from Diigo. The rest of socialiststudentscairo group favorite links are here.

Our BookMarx 12/14/2009

• بيان حقي و6 أبريل في وقفة التضامن مع الممرضات | مركز الدراسات الاشتراكية - مصر

  Tags: Egypt, Nurses, strikes, Students, Mansoura

Posted from Diigo. The rest of socialiststudentscairo group favorite links are here.

حقى تتحدث عن الحركات الطلابيه ووضعها الحالى و مدى نجاحها

اضغط هنا لمشاهدة الفيديو

Our BookMarx 11/26/2009

• " دور على حقك فى جامعتك" معرض لشباب 6 إبريل

  Tags: طلاب, Students

Posted from Diigo. The rest of socialiststudentscairo group favorite links are here.

احد معارض حركة مقاومة بجامعة حلوان ... عاشت الحركة الطلابيه

صور المعرض

نظرا لأن النعمة فاقت حدها
ولإننا مش قدها
ولأن فعلا إنجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب
خلقة تانية
ولو يومين
أسمع بقى
إحنا زهقنا من النعيم
ونفسنا في يومين شقى
عايزين نجرب الاضطهاد
ونعوم ونغرق في الفساد
بينى وبينك حضرتك
دا شعب فقرى ما يستحقش جنتك
أنا عارفه شعب ما ينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب مية واحدة
ندوب في بعض
ماء وماء
وماء
ونفض سيرة الانتماء
وبلاها نعرة وطنطنة
تبقى البلاد "مستوطنة
(متسلطنة بالسرطنة)
إية اللي خدناه م الكرامة
والإباء
حبة خطب وكلام...كلام
إحنا راهنا على النظام
ورضينا بخيار السلام
(بخيار)
حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا أطرده من رحمتك
وإن كنت غاوى الحكم
خليك مطرحك
هاغطس واقب وأعود
بشعب يريحك
راضى وعمره مايجرحك
أخرس وما بيسمعش
وأعمي لك عنيه
مش كل قرش يبص
فيه
ما يقولش لأه / وفين / وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم

احمد فؤاد نجم

Our BookMarx 11/25/2009

• اليوم السابع | بالصور.. رحلة تعذيب طالب بقسم شرطة6 أكتوبر

  صرح إبراهيم الغندور محامى طالب كلية الحقوق الذى تم تعذيبه بأحد أقسام الشرطة ، أنه سيفجر العديد من المفاجآت فى أولى جلسات محاكمة الضباط الثلاثة المتهمين بتعذيب المجنى عليه، ولديه من المستندات ما تؤيد دعواها ، مؤكدا أن جلسة 7 ديسمبر المقبل ستكون هى الجلسة الأكثر إعلاميا، جاء ذلك بعد تقدمه بتظلم للنائب العام حمل رقم 1055 ..

  Tags: تعذيب, Students, Egypt, cairouniversity, مصر, خنازيرالداخلية, طلاب

  • - By Mashahed مشاهد

• Uni exhibition 24/11/2009 - a set on Flickr

  Tags: Socialists, Students, Activism, Egypt, Photos, Mansoura

Posted from Diigo. The rest of socialiststudentscairo group favorite links are here.

نشرة حقى .. العدد الرابع .. نوفمبر 2009

بطلجية حرس الجامعة يمنعون الطلبه من الدخول الى كلياتهم

بالفيديو : انتهاكات امنية ضد طالبات حركة حقى بجامعة الاسكندرية

معرض الحركة داخل المجمع النظرى .. 10-11-2009

اقامت حركة حقى امس " الثلاثاء " 10-11-2009
معرض صور داخل المجمع النظرى بالاسكندرية بمشاركة العديد من الطلبه داخل الجامعه

بدأ المعرض بعرض صور و رسوم عن المصاريف الدراسية الغير قانونيه و التى تحصلها ادارة الكليه بشكل جزافى كل سنه
ولا يحصل الطلبه فى اى شىء مقابلها ..
كما ركز المعرض على المطالبة بحقنا فى كتاب جامعى مدعم .. يكون اعلى سعر له 10 جنيه و يباع داخل منافذ للبيع بداخل الحرم الجامعى .. احتجاجا على قرار جامعة الاسكندرية الذى رفع الدعم عن الكتاب الجامعى .. خصوصا لطلاب السنه الاولى فى كل كلية

مما جعل سعر الكتاب يتراوح ما بين 50 الى 70 جنيه للكتاب الواحد ..

كما اكد الطلاب المشاركين فى المعرض ضرورة وجود رعاية طبيه دائمة فى كل الكليات و الا يقتصر دور العيادات " ان وجدت " على لصق بوسترات " احمى نفسك من الانفلونزا " ... كما اظهر الطلبه استيائهم من غلق كل الوحدات الصحيه و العيادات داخل
الجامعه .. و عدم توافر اى نوع من الرعايه الصحيه او تقديم اى خدمه علاجيه فى الجامعه مما يجعل الطلبه فى حالة خطر دائم من
احتمال حدوث اصابات لهم دون وجود اى مسعف ..

انتهى المعرض بتدخل من " امن الجامعه " و الذى حاصر الطلبه و استمر فى مضايقتهم الى ان وصل الامر بالانتهاكات الامنيه
داخل الحرم الجامعى الى دفع و شد الطلبه ... و سبهم امام الطلبه الاخرين ... و لكن الطلبه اصروا و اكملوا المعرض
متحدين امن الجامعه و الذى بدأ بسحب كارنيهات الطلبه و بطايقهم " زى الكمين بظبط " بس هنا جوه الجامعه
لكن التفاف الطلبه و اصرارهم على مطالبهم .. اجبر الامن على رد البطايق لاصحابها ..

نترككم مع بعض الصور لطلاب حقى بالمعرض ..

http://picasaweb.google.com/banyadam18/10112009#slideshow/5402792819683343234  

معرض المجمع 10-11-2009

حركة حقى الاسكندرية
10-11-2009

ندوه عن الانتخابات الطلابيه

يتقدم مركز ضحايا لحقوق الانسان بدعوتكم لحضور المؤتمر الذى ينظمه المركز عن الانتخابات الطلابيه وذلك يوم الاربعاء الموافق 27/10/2009 فى تمام الساعه السابعه وذلك بمقر المركز 9 ش مسجد الايمان-اسكندر ايراهيم -ميامى

شاركونا عشان نعرف حقوقنا جوه الجامعه ... و نعرف الانتخابات بتتزور ازاى و ليه

0106502506

مختاراتنا

 

مشكلة الجامعه العماليه شعبة تنميه تكنولوجيه

http://www.facebook.com/topic.php?uid=106915530454&topic=10918

** ** **

حقك فى جامعتك .. جامعة المنصوره

http://www.facebook.com/home.php?#/event.php?eid=162273849558&ref=nf

** ** **


النهارده الانتساب.. بكره الدور على الانتظام


http://www.e-socialists.net/node/4649

** ** **

صور مظاهرة لحركة مقاومة و طلاب الاخوان رفضا لتزوير انتخابات اتحاد الطلبة

http://tolaabmokawma.blogspot.com/2009/10/blog-post_23.html

نشرة حقى .. العدد الثالث

ندوة بعنوان .. مشاكل الطلبة فى الجامعات المصرية

تدعوكم حركة حقى الطلابية المستقلة بالاسكندرية لحضور ندوة بعنوان ... " مشاكل الطلبة بالجامعات المصرية " و ذلك لمناقشة المواضيع الاتية

*مجانية التعليم .. و المصاريف القانونية

* حرس الجامعة .. و اللوايح الطلابية

* دعم الخدمات الطلابية ... كتب .. مناهج .. معامل .. مدرجات

* الحركات الطلابية فى الجامعات المصرية

سيتم بعدها فتح النقاش فى كل المواضيع .. للوصول الى المقترحات حول شكل الحركة ومشاكل الطلاب فى العام الجامعى القادم



** يدير الندوة مجموعة من طلاب حركة حقى

** تقام الندوة بمركز ضحايا بالاسكندرية
مقر المركز: 9 ش مسجد الايمان متفرع من اسكندر ابراهيم - ميامي - الاسكندرية

******
يوم الاربعاء القادم الموافق ... 19-8-2009

فى تمام الساعه السادسه مساءا

******
للاستفسار ..

0106502506

** ** **
الدعوة عامه

http://www.facebook.com/event.php?eid=120623757866

رسالة من نهلة ..... اداب انجليزى سابقا

بداية الكلام كده .... مفيش تعليم !

واللي عايز يتعلم يبقى يدخل خاص

جامعة اسكندرية ( خاصة المجمع ) اتشال من الخريطة عندي

اداميتي اتلغت في المجمع لاني كنت مش انسانة انما مجرد ملطشة للناس تتفرج عليها ابتداء من الدكاترة للطلبة لحد اللي واقفين عل الباب بتوع الكارنيهات دول

نبتدي من بره اسوار الكلية لجوة

سور الكلية

السور ... راجل غريب جدا واقف على اول رصيف كلية أداب , مكنتش عارفة مين داه؟ افتكرتو راجل بيركب كل يوم من هنا و بالمرة بيبص بص عالى البنات و يعاكس عقبال مايركب ... اتارية بيراقب اللي داخل واللي طالع عشان يشوف حيلطش منو ايه !

طبعا انا كنت ضحية الراجل داه من وسط الزحمة اللي داخلة باب اداب و قدام الظابط مد ايدو فشنطتي وخد موبيلي من غير أي مشاكل

العيال البلطجيه

جوة الكلية زحمة جدا واشكال و الوان , وللاسف كلها شريحة صعب لاي شريحة من شارائح المجتمع انها تندمج معاها , ومؤخرا سمعت من البنت اللي بتيجي تنضف عندنا لما كنت بحكلها على المجمع .. ردت وقالت : "اه دول بيئة وبلطجيه .. دول اصلا مش طلبة , ده بيكون مصاحبلو واحده في المجمع وبتيجي يقضي اليوم معاها "

ياعني انا مجبرة اني اختلط مع شله عيال معاهم مطاوي و مشارط عشان داخلين يحبوا فواحده ؟؟؟؟؟ بس الغلط في مييين ؟؟؟ فاللي قاعدين على باب الكليه اللي بيدخلو أي حد مدام بياخدو البطايق رهن ... بلاش .. سمعت من واحد .. انو كانو بيدوه ساندوتشات عشان يدخلهم .. "لا تعليق "

مره حصلت خناقة مع الشباب الامور داه , ومطاوي و دم وولاد كانو بيقعو .. و سمعت ان فيه ولد راسو طارت " و مش بعيد انو ممكن يكون بجد " جرينا للامن و الضابط اللي كل شغلنتو , انو يزعق و يشتم .. رد بكل شجاعة و قال : " وانا مالي ادخل اضرب ولا اتعور " لا الراجل عندو حق , سلامتو بالدنيا ...

الطلبة المحترمين

طبعا القاعده الاولى في مصر .. ان البنت لازم تتعاكس بدايه من المنقبه , اللي لابسه خمار , لابسه حجاب , مش لابسه حجاب و لابسه لبس حشم , اللي ماشيه على حل شعرها و اللي لابسه كارينا ..... الخ

و في المجمع الطلبة الولاد كانو بيحبو يعبرو عن رأيهم و اقتراحتهم .. مرة وانا طالعه رايحه محضرتي.. جيه واحد كان بيقترح عليا ان المفروض جسمي يبقى عامل ازاي !! ؟ قال بوقاحه " اه لو ***** شوية !

ومرة واحد قلي افتحي اول كام زرار في الجاكت , عشان الجاكت كان حشم !

كليتي جميلة نظيفة متطورة منتجة

طبعا مش حتكلم عن اد ايه الكليه جديدة والواحد مش خايف تقع على دماغو .. انا كنت في كلية اداب انجليزي طبعا كله بيقلي " ديه رحمة يا بنتي امال كليه كزا تبقى ايه ؟؟؟ " المهم هي في الدور الرابع و السلالم متعبه , وفوق كل داه انا عندي حلات بتجيلي شبه الربو قوي .. فا بيتعمل الاسانسير ..اللي واقف في الاسانسير .. يوم حبيبك و يوم عدوك .. طول مالجنيه فايدي حبيبي , وطول ماايدي فاضية يزعق و يقول :لأ داه للدكاترة بس ! ممنوع الطلبة !!! او لما يكون معاه دكتور طالع ... احب الفت الانتباه لفته عابرة لحمامات البنات عمتا اللي تضج بالبنات المدخنات و المحششات .. المهم عندنا في القسم 4 غرف تقريبا لدفعه تعمل 200 طالب , وكلمة مدرج ملغيه من القاموس, و طبعا من اسم الكليه اداب انجليزي .. اكيد طبعا فيه كتابة و قرايه و كلام كتير قوي .. و الكراسي عبارة عن كراسي اللقهوة , غير مريجة بالمرة , مفيش حته نكتب عليها , داه حتى الطلبه كانو بيقعدو على الارض و ياخدو الكراسي طربيزات .............. كنت بحلم في الصيف بمروحه ... مش تكيف حتى .. انما غرف الدكاترة الواحد يلبس جاكت من البرد في عز الصيف ! مرة بابا بيحكيلي عن ابن صاحبو .. ايام ما كان في تجارة و حول لكليه خاصة ... الولد كان صامد و صابر على الوضع اللي فيه لحد ماشاف المدرج كان زحمة واللي قاعدين على الشباك , واللي قاعدين على الارض متكدسين .. ولما دخل الدكتور من كتر الزحمة ابتدى يهشهم برجليه ! الولد في اللحظه ديه .. عرف انو بيظلم نفسو و اداميتو ...

دكاترتي الأعزاء

في السريع .. فيه دكتور ممسوك علية ( على ايامي و الله اعلم وصلو لكام ) 3 قضايا تحرش , و هو كل مايجي يدخل المحضرة .. يقول : الولاد يقعدو ورا .. و البنات قدام .. و يافلانة و فلانة و انتي و انتي اقعديلي اول صف , و انا كنت من بينهم و مكنتش فاهمة ليه .. المهم المحاضرة اللي بعديها .. قعدت ورا ام جابني من بعيد و قالي ... مش قلتلك تقعدي اقدام؟؟؟ اتارية طلع بينقي البنات الحلوين يقعدولو قدام عشان يبصبص براحتو .. واللي اكدلي الكلام .. اني لما كنت بعمل امتحان شفوي .. كنا بندخل خمسة 5 , و حظي كان مع بنتين محجبتين وواحده بخمار وواحده بنقاب و انا اللي من غير حجاب .. عديت الامتحان من غير ما افتح بقي .. داه انا اكتر واحده تهتهت و اتلجلجت وهو اللي كان بيكمل كلامي .. اللي يضحك انو يوم امتحان الشفوي داه ... القسم كله بيبقى متشيك و متمجيك و على سنجة 10 و فعلا مبطلتش ضحك يوميها ... فية بنت دخلت في الكلام معانا .. و قالتلي انت اكيد حتعدي الامتحان .. قلتلها ليه ؟ ردت قالت : DR ****** loves beautiful girls !وعشان انا محجبة ومتجوزة عمري ماعديت الشفهي معاه خالص ...

وطبعا اللي عايز يعدي السنة صافي يدخل عنجو المكتب و يقفل الباب وراه ...................................

وفيه دكتورة بتعمل الامتحانات على حسب ظروفها ! مرة مدرس الكورس بيقلنا خلي بالكو ظروف الدكتورة فلانه مش كويسه السنادي .. توقعو انها مش حتحطلكم امتحان كويس .. والدكتورة ديه بتنقي طلبه معينين .. و بتدلهم نمرت تيليفوناتها .. عشان تقلهم ليله الامتحان , الامتحان حيجي من ايه ! دول طبعا الطلبة المحببين على قلبها !!

يدا بيد ... الكليه و الكورسات

مفيش حاجه اسمها كليه من غير كورسات .. الدكاترة على وشك انهم يقوللنا .. لما تبقو تروحو الكورسات ابقو خليه يشرحلكم الحته ديه ... انا الصبح في الكلية .. بعد الضهر كورسات .. كل المواد !!!!!! الدكاترة مش بيشرحو .. مش عشان ملهمش نفس ... انما عشان عارفين اننا بناخد كورسات فيوفروا حبت العقل و الصحه اللي حيلتهم ... الكورس اللي هو السنتر عبارة عن .. غرفة كبيرة .. كلها كراسي كتير بتاخد بتاع 50 شخص .. والمدرس واقف عالى السبورة وبيشرح .. المنظر داه بيفكرني بحاجه .. ايه هي ياترى ؟؟؟؟ اه ! الكليه

ياعني نافص الكورس يطلعلنا شهاده و نبطل نروح الكليه !

شؤن المزلولين

أي اوراق أي حاجات ... روح جري عند مدام فلانه في شؤن الطلبة .. الواحد لما يسمع شؤن الطلبه الجسم بيقشعر ,,, لسه حقف في الطابور الطوييييييييييييييييييييييل داه اللي مش بيتحرك .. في الزحمة ديه ؟؟؟؟ مع الناس ديه ؟ احنا بنتزل عشان نقف .. ونتزل عشان ناخد دور .. ونتزل عشان نمشي في الطابور .. غير الخناقه مع الناس عشان بتاخد دورك .. والزق و قلت الزوق و الخنقة و الحر ... و و و و ... واول ما الواحد يوصل يا اما بيكون كل اللي عملو داه ناقص ولازم اجيب ورق كزا و طابع كزا بنص جنية ( و داه طبعا عشان مفيش ورق ولا يفط تشرح الخطوات و الاجراءات والورق اللي مفروض يتعمل قبل مانحط رجلينا في النار .. قصدي شئون الطلبة ) يا اما السيناريو التاني ان اللي واقفة على الشباك تتعصب من الزحمة و تتخنق وتقوم قافلة الشباك فوشنا زي مانكون حيوانات و تحت رحمتها , وقت مايجيلها نفس تفتح تفتح , وطبعا الاعمال ديه اعمال كتابية مش على اختراع اول مرة نسمع عنه وهو الكومبيوتر .. اللي ممكن تعمل اوراق 10 طلاب في نفس الفترة اللي ممكن تعمل اوراق طالب واحد كتابيا !

ورانا ايه ؟؟

السنه في قسمنا بسنتين ! لما طلعت نتيجة القسم اخر السنه ... كان حوالي 75% من الدفعة صاقطة .. و 25% ناجحين ( اللي هما كانو مدبلرين ) قعدت اعيط وانهارت لانو ديه مش انا , اللي كنت بجيب مجموع عالي في المدرسه ... و من المتفوقين والطلبه المجتهدين في المدرسه .. دانا جبت مجموع يدخلني أي كليه في مصر تقبل ادبي ! ايه اللي حصلي ؟؟؟؟ اكيد داه كابوس !!! اكيد فيه حاجه غلط !!

طبعا فيه حاجة غلط ! الغلط انو .. الدفعه كبيرة فالدكاترة بيحاولو يقليلو العدد عن طريق انهم يطفشو الطلبه , و النظام كما يلي .... المواد كلها زي العقد , لو ماده راحت .. المواد كلها تحصلها .. يعني لو وقعت في ماده القراءة .. اكيد حتجر الكتابة .. حتى لو كنت جايب في الكتابة امتياز .. طب وهو انت حتعدي بمدتين ؟؟؟؟ لا شيل التالتة !

واكتشفت بعد ماعديت الترم الاول صافي .. اشيل الترم التاني 6 مواد !!

نهاية سعيدة من بداية تعيسة

في الاخر .... بابا قلي حدخلك كليه خاصة .. و من غير تفكير ... حولت .. لما بابا راح يسحبلي الورق .. رجع زعقلي و قلي انت ازاي راضيتي على نفسك بكده!!؟؟؟؟

حملة الالف توقيع لترميم مبنى كهرباء بكلية الهندسة .. ورفض دفع المصاريف الغير قانونية

بدات حركة حقى حملتى توقيعات بجامعة الاسكندرية تحت اسم حملة الالف توقيع

الاولى تهدف الى رفض دفع المصاريف الغير قانونية و التى تفرضها ادارة الجامعة .. و تخالف بها كل بنود الدستور و قوانين تنظيم الجامعات التى تنص على مجانية التعليم و حق كل مواطن مصرى فى التعليم المحانى خلال كل المراحل التعليميه


اما الحملة التانيه فهى بكلية الهندسةو تهدف الى تجميع الف توقيع من اجل الضغط على ادارة الكلية و سرعة اتخاذ اجراءات ترميم مبنى كهرباء .. قبل حدوث الكارثة بان ينهار المبنى فوق رؤوس الطلبه الذين يزيد عددهم عن 7 الاف طالب يدخلون المبنى يوميا .. من مختلف اقسام الكلية

جريدة الدستور تكتب عن حركة حقى

في الإسكندرية، سادت حالة من الاستياء العام أجواء جامعة الإسكندرية بعد فرض إدارة الجامعة عدداً من الأكمنة الأمنية ووزعتها بين قاعات وجدران وساحات حرم الجامعات السكندرية المختلفة.

في كلية الهندسة أعرب الطلاب عن استيائهم من تصرفات الحرس التابع لوزارة الداخلية وذلك بعد نجاح طلاب حركة حقي في إتمام معرض يضم لوحات تطالب إدارة الجامعة بعزل مدير أمن حرس الجامعة، وعزل المرشدين الأمنيين.



اقرأ باقى الخبر

http://www.dostor.org/ar/content/view/18751/1/

معرض حركة حقى داخل المجمع النظرى

قام طلاب حركة حقى داخل المجمع بعمل معرض صور اظهروا فيه عدة قضايا تهم الطلبه اهمها... المصاريف غير القانونيه المفروضه من قبل ادارة الجامعه و التى تخطت فىبعض الكليات 30 و 40 ضعف

كذلك ناقش الطلاب مشكلة شطب نتايج الطلبه اللى مدفعوش المصاريف و حجب نتيجتهم لحين الدفع ... فى تحدى صارخ لجميع قوانين تنظيم الجامعات











و قال احد طلاب كلية اداب " المشطوب نتيجته " .. حاسس انهم حيخلوا النتيجه بعد كده .. تشحن كارت ب 5 جنيه عشان تظهر

كما وزع طلاب الحركة بيان تضامنى مع طلاب بنها و شاركوا بلوحتين لطلاب بنها .. و تم تخصيص لوحه منهم لتجميع كلمات تضامن من
طلاب المجمع الى الطلاب المعتصمين لاكثر من 24 يوم حتى الان

صور لمعرض الحركة .. داخل كلية الهندسة

بيان تضامن مع طلاب بنها المعتصمين

الي من تعلموا كيف تنتزع الحقوق في مصر ؛ إلي طلاب معهد تكنولوجيا بنها نرسل نحن مجموعة من الحركات الطلابية بمختلف الجامعات المصرية من مختلف المحافظات بياننا التضامني هذا لنؤكد علي حقكم المبدئي في استخدام شتي وسائل النضال والتحرك من أجل تحقيق مطالبكم المشروعة جدا في تحويل هذا المعهد العالي إلي كلية هندسة تابعة لجامعة بنها؛ وقبول عضويتكم بنقابة المهندسين كحاصلين علي شهادة بكالوريوس الهندسة جامعة بنها ولا نرضى لكم غير ذلك الحق ؛ وفي اعتصامكم المشرف الذي يلهمنا جميعا أهمية التحرك الجماعي من أجل الدفاع عن حقوقنا داخل جامعاتنا نوصيكم بالصمود ووحدة الصف فسوف تتعرضون لمساومات جادة من قبل الإدارة تتضمن وعود وهمية كل هدفها فك الاعتصام فكونوا أقوي من ذلك وهو ما نثق أنكم أهل له ؛ كما ستحاول الإدارة إثارة وتصدير بعض المشاكل الفرعية فيما بينكم محاولة تفريق الصفوف وإضعاف الاعتصام فلا تلبوهم هذه الأماني واعلموا أنه ما ضاع حق وراءه مطالب ؛ ولكم كل الشكر إن علمتمونا كيف نستفيد من التجارب الأخري في مجتمعنا للضغط من اجل حقيق مطالبنا كما فعل المحامين والصيادلة وسائقي واصحاب المقطورات وسوف نأتيكم في زيارة تضامنية تعلوا فيها اصواتنا معكم
طلاب بنها احنا معاكو ... ضد وزارة بتتحداكم
حركة مقاومة - جامعة حلوان
حركة حقي - جامعة القاهرة
حركة حقي - جامعة الاسكندرية
حركة حقي - جامعة المنصورة
طلاب 6 ابريل
طلاب حزب الجبهة
طلاب حزب الغد
حركة نقدر - جامعة عين شمس



عاشت الحركة الطلابية

نبذه تاريخية مختصرة عن يوم الطالب العالمى

عن فبراير 1946
تعتبر حركة فبراير 1946 امتدادا لثورة 1919 و ذلك بعد انتهاء الحرب العالمية الثانية و تعرض كافة اشكال و طوائف الشعب المصرى على جميع المستويات الى الظلم و التدهور الاقتصادى و الاجتماعى و المزيد من القمع للحريات السياسية زياده على ما كان موجود بدعوى الحرب.
و من اهم ركائز حركة 1946 هم الطلبة فقد شكلوا يومئذ تنظيمات و حشدوا صفوفهم و ذلك للمطالبة بحقوقهم من اجل خروج الحتلال البريطانى من مصر .
قد قاموا بالاتحاد مع العمال من اجل وضع برنامج مهم يشمل ثلاث نقاط :
1.مواجهة الاحتلال العسكرى للبلاد
2.مواجهة كبار الاقطاعيين حيث انهم مشاركين فى الاحتلال
3.الطريق الى الاستقلال يستلزم اتحاد القوى الوطنية
و فى حين طلبت الحكومة انذاك باستحياء بمنح مصر الاستقلال مع بقاء العلاقات بين البلدين على اساس من الصداقة و التحالف و قوبلت بالرفض قرر حزب الوفد الى جانب كافة القوى الوطنية ادانة سلوك الحكومة و قرروا القيام بتظاهرات واسعة.
قامت مظاهرات سلمية تطالب بالاستقلال و عدم التفاوض واثناء مرور المتظاهرين فوق كوبرى عباس قامت الشرطة بفتح الكوبرى و استشهد خلال ذلك حوالى عشرين طالبا كان ذلك فى يوم 9 فبراير .
فى مساء يوم 18 فبراير تم تشكيل " اللجنة الوطنية للعمال و الطلبة " لتمثل درجة غير مسبوقة من التضامن بين العمال و الطلبة .. و لكن فى نفس الوقت و مع انضمام العديد من العمال و الطلبة من جميع الجهات .. ظهر مدى ضعف الوفد .. و عدم قدرته على قيادة حركة التظاهر و التى اتخذت طابعا عنيفا لم تشهده مصر منذ ثورة 1919 .
فى يوم 21 فبراير دعت اللجنة الوطنية الى اضراب عام فاضرب عمال النقل فى الجيزة و شبرا الخيمه و العباسية و امبابه و ابى زعبل و غيره و توجه كل هؤلاء و معهم العديد من الطلبة من جامعتى القاهره و الازهر .. الى وسط القاهرة .. ظلت المظاهرات تسير بشكل سلمى و هاذىء الى ان مرت العربات العسكرية البريطانية و بدات بفتح النار على المتظاهرين الذين ردوا بمهاجمة القوات البريطانية و النوادى الاجنبيةو انتهى اليوم باستشهاد 23 شخصا من العمال و الطلبة.
انتهت انتفاضة فبراير-مارس 1946 بحملة قمع قام بها اسماعيل صدقى رئيس الوزراء الذى خلف النقراشى بعد احداث التاسع من فبراير .. تبقى الدروس مطروحة .. فى ظل غياب قيادة منظمة للتحركات الشعبيه للتحرر من الاستعمار مهما اختلف اشكاله .. و يبقى الخيار مفتوحا امام الجماهير المصرية .. و كل الفقراء ضحايا الانظمة المستبده من اجل التوحد و مواجهة الطبقات الحاكمة البعيدة كل البعد عن مصالحنا .

حركة حقى الاسكندرية

احتلال جامعة نيويورك

احتلال جامعة نيو يورك " اخر التطورات "


http://www.nbcnewyork.com/news/local/NYU-Protest-Escalates-Overnight.html

أول جلسة فى قضية المصاريف بالاسكندرية >> 8-1-2009

تم تأجيل الدعوى الى يوم 22 يناير كي تقدم الجامعة مستندات